Нацийональне Свято Русинів в Сербіі

Днес в Сербіі зачынают ся празднуваня Нацийонального Свята Русинів. В ріжных містах і селах Войводіны (а і в самій сербскій столици) в дн. 16.-19. січня тр. будут проходити всякого рода акциі: концерты, выставы, святочны промовы.

Нацийональне Свято Руснів в Сербіі припадат на ден 17. січня, на памят подіі з того же дня з 1751 рока, коли то адміністратор Бачкы, Франц Йозеф де Редль, підписал документ о заселіню обшыри Великого Керестура двостома русиньскыма родинами.

О святкуваню той даты рішыл в 2007 р. Нацийональний Совіт Русинів, а перше одзначыня того праздника одбыло ся в січни 2008 рока.

Тогорічне Нацийональне Свято Русинів буде проходило:

• 16. січня, пятниця: в Суботици, Кули, Рускым Керестурі, Шыді, Новым Орахові, Новым Саді і Коцурі,
• 17. січня, субота: в Вербашы (центральны святкуваня), Дюрдьові і Господницях,
• 18. січня, неділя: в Сримскій Митровици (спільне святкуваня з Русинами з Бикіча),
• 19. січня, понедільок: в Бельграді.

На основі пресовой аґенциі: Рутенпрес.