Наукова конференция в 10. річницю уставы о меншынах (відео)

Недавно інформували сме, же 7.-8. мая 2015 р. Выділ політычных наук і журналістыкы познаньского Університету ім. Адама Міцкєвича орґанізувал наукову конференцию пн. “Медже боязню і надійом. 10 років уставы о нацийональных і етнічных меншынах та реґіональным языку” (“Między lękiem i nadzieją. 10 lat obowiązywania ustawy o mniejszościach narodowych i etnicznych oraz o języku regionalnym”), котрій патронувала Комісия Нацийональных і Етнічных Меншын Сойму ПР і віцевоєвода великопольского воєвідства.

На конференциі, якой цілю было підсумуваня 10 років фунґуваня уставы і меншынах, являли ся так темы, загальні описуючы єй вид і влияня на охорону достоменности меншын, як і аналіза поєдных меншын на фоні десятлітньой істориі реченой уставы.

Лемківскы темы завершали ся в рефератах проф. др габ. Олены Дуць-Файфер і др Беаты Орловской, але до близкых Лемкам справ навязували і інчы референты.

Завдякы орґанізаторам, котры нагрывали конференцию, можеме передати два відеозаписы, находячы ся в сервісі YouTube (полний проґрам заміщали сме в статі за тым мотузком).

Реферат проф. др габ. Олены Дуць-Файфер зачынат ся од 1’24″55 першого відеозапису, але рекомендуєме обізрити і выслухати ціліст.

(фото горі: YouTube)