Як офіцийні заявили державны орґаны Украіны, найближший всеукраіньскій повселюдний спис буде проведений допіро в 2016 р. Термін другого за порядком спису (перший проходил в 2001 р.) был спочатку плянуваний на 2011 р., але уж в 2010 р. власти рішыли перенести го на 2012 р., а потім на 2013 р.
З той причыны, Карпаторусины жыючы в історычній (заанектуваній Сталіном в 1945 р.) Підкарпатскій Руси, іщы принаймі 3 рокы можут ждати на офіцийне вызнаня іх окремым народом в Украіні, котра на тот момент остає пошлідньом державом світа, де не істнуют офіцийні як нарід.
Перелом в проблемовій справі може приспішыти плянуване підписаня стоваришыньовой умовы медже Украіном і Европейском Унійом, яка вымагат приближыня украіньскых правных актів до европейскых демократычных стандардів.
За рекомендацийом ОЗН і ЕУ, повселюдны списы повинни проходити раз на декаду (в році, якій на кінци має „1”: 2001, 2011, ітд.).
Коментарі