Нибы такы самы, а кажда інча – днес церков з Милика – «Реґістер Забытків» – середа, 20.00 год.

Листа нашых радийовых забытків збільшат ся з каждым місяцьом. Лемковина єст так цікава і так богата, же іщы скоро не скінчыме выполняти листы. В тым тыжни зосереджаме ся на церкви з Милика з 1813 рока, яка побудувана была, бо попередню знесла вода по великій зливі. З чым тота церковця ріжнит ся од інчых? І як єй мож описати? До послуханя – як все вечером, а до пообзераня уж тепер – перша част то знимкы авторства Каміля Палюшка (позерайте на його фб-профіль Cerkwie Łemkowskie Beskidów), а друга то архів радия ЛЕМ.фм.

„Реґістер Забытків” то познавчий проґрам, в якым зазнаємляме ся з Лемковином в скали мікро. Премєра проґраму – середа 20.00 год., повторіня четвер 2.00 і 8.00 год. за лемківскым часом.