Новий радийовий плеєр ЛЕМ.фм

На нашым портали од деякого часу фунґує новий радийовий плеєр.

Плеєр можеме влучыти так, як дотепер.

В новым вікні вкаже ся плеєр.

В середущій части маме інформацию о проґрамі або співанці, котра актуальні іде на антені.
Пониже сут выписаны одограны перше співанкы, котры почули сме і уж ся скінчыли.

З правой страны можеме найти інформациі о приближаючих ся трьох проґрамах.
Кєд дакій програм має долший опис, товды опис єст вкрытий. Мож го розвинути – старчит втиснути на три крапкы, котры находят ся на його кінци.

Долов видиме 2 притискы. Першым мож затримати, або назад влучыти радийо, а другій – служыт до уставліня голосности звуку.

Просиме тестувати наш новий плеєр, а кєд Вам ся любит, або мате даякы заувагы, ачий в тестовым періоді вкажут ся даякы проблемы, напиште нам о тым на radio@lem.fm.