Новорічний проґрам «Говорить Пряшів» – середа, 20.00 год.

«Вшыткого Вам доброго! Най ся веде, дарит і каре!» – так бы требало зачати новорічну заявку про проґрам «Говорить Пряшів». Заєдно желати треба вельо доброты тым, што нас слухают, але і камаратям з редакциі радия Русин.фм!

Мы не стопуєме і дальше робиме тото, што нам найліпше выходит. Граме музыку, робиме проґрамы – єдны смішны, другы поважны – але все з русиньского серця. «Говорить Пряшів» то як раз проґрам од серця, то проґрам, в котрым што тыжден дознаєме ся про окружаючий нас русиньскій світ. Початок Нового Рока для єдных ся на добре зачал, а для нас Лемків, котры в великій більшости празднуют за старым стильом, аж ся зачне в будучу пятницю. Тото вшытко не вадит днес сісти при радию, влучыти облюблене ЛЕМ.фм і два-в-єдным мати лемківскє радийо і тото пряшівскє Русин.фм.

На Лемковині доста популярным назвиском є назвиско Прокопчак (Прокіпчак). Не інакше в другых частях Карпатской Руси, прото і днес дуже буде про выдатных Прокопчаків (Прокіпчаків): Івана, Михала і Миколая та єдну Прокопчачку (Прокіпчачку): Олену.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.