Новорічный – «Говорить Пряшів» – пятниця, 18.10 год.

Хоц то не Новый Рік про каждого, то заєдно вшытко коло григорияньского календаря ся крутит. Ци хочеме, ци ніт, але цілый світ ся ґу тому обертат. Вшыткы, што лем святкуєме і жыєме «по старому», мусиме мати на ся позір, жебы не зошаліти…

Памятайме, што наш Новый Рік привитаме такой о нецілы два тыжні. Так оно є, так і было. Вірме, што Лемковина буде тырвала вічно. А мы просто мусиме стеречы свойой традициі.

Но што-ж, певно дахто з Вас даяк витал Новый Рік уж тепер. Може дакус меньше гучно як попередні рокы, але было хоц-як. Так желаме вшыткым «новостильным» щестя і перше што – здоровля. Вірме, же буде ліпше. Особисто поздоравлям з Новым 2021 Роком Пряшівщанів, бо они уж го привитали. А то порядны нашы камаратя, што рыхтуют нам «Говорить Пряшів». Пак лем заявляме Вам о тым. Майте ся!