О церковній штуці в Ґаліцийскым Місточку
В минулым тыжни, з днях 1.-3. жолтня (октобра) т.р. в Ґаліцийскым Місточку в Новым Санчы, одділі Округового Музею в Новым Санчы проходила медженародова наукова конференция, яка тыкала ся істориі церковной штукы в Польщы і сусідніх державах.
В конференциі участ взяли выдатны специялісты з університетів в Кракова, Варшавы, Ґданьска і музейных інституций в Білымстоку, Перемышли, Саноку та гості з Мадяр, Словациі і Украіны. Цілю конференциі была стріча вченых, занимаючых ся культуром східнього християньства і дебата на тему актуального стану польской істориі штукы, тукаючой ся православного і грекокатолицкого дідицтва.
Першого дня конференциі проходила презентация колекций ікон з музеів, в котрых в остатніх роках змінено експозицию, особливо в Історычным Музею в Саноку та Єпархіяльным Музею в Перемышли. Наступного дня дослідникы бесідували о церковній іконоґрафіі. Вказано незнаны діла штукы о богатій символіці, іконы з Підляша, лубельской землі, Малопольщы та західньой Украіны. Вчены з Мадяр і Словациі запрезентували діла, звязаны зо штуком грекокатолицкых церкви, а украіньскы участникы конференциі – забыткы з колекций зо Львова. Бесідувано тіж про церкви, будуваны в ХІХ ст. в неовізантийскым стилю в Польщы.
Пониже презентуєме полний порґам конференциі:
