Голосник

Обзерач Природы #12 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 4. грудня/децембра 2020 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

В найблизшым одтинку «Обзерача Природы» будеме продолжати з темом нафтовой ропы. В попереднім проґрамі познали сме загальны правила, як возникат нафтова ропа, в якых обставинах і якій має она склад. Тепер призриме ся зблизка тому, як ситуация має ся з ропом в нашых Бескідах. Кілько має років карпатска нафтова ропа? Ци окрем ропы выдобыват ся дашто більше? Де можеме піти в терен, жебы обзерати натуральны выплывы чарной мазі? Кєд сте заінтересуваны, то конечні влучте ЛЕМ.фм о 13.00.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.

Шеруй.

О авторі

Якуб Зиґмунт

Лях з Санча. Ґеолоґ, але наштоден занимат ся і інчыма професиями. Знат 5 языків, але на ЛЕМ.фм хоснує лем два з них. Любит вандрувати, неконечні там, де вшыткы люблят.

Коментарі