Обзерач Природы #13 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 11. грудня/децембра 2020 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Кєд посмотриме на календар, то дознаме ся, же винна іти уж зима. А як зима, то разом з ньом тіж винен быти і сніг. Власні про сніг буде бесіда в найблизшым одтинку природничого проґраму «Обзерач Природы». Дознаме ся пару інтересуючых фактів про білый пух – як в загалі возникат, якій має кольор (бо то не все такє очывидне), яка єст його структура і тектстура, та тіж ци єст шанса найти дві такы самы сніжынкы. Міц зимового климату буде дополняла одповідня музика. Будте з нами конечні о 13.00 год.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.