Обзерач Природы #20 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 12. лютого/фебруара 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Коли думаме «землетрясіня», то найчастійше думаме примірні о Індонезиі, Індіі, Полудньовій Америці ци, як остатньо, о Хорвациі. Але ци дахто думат о Польщы, або докладнійше – о Лемковині? Ци лемківска земля тіж може быти активном тектонічні зоном? Коли мали сме остатні землетрясіня в Бескідах і де докладні? В найблизшым одтинку «Обзерача Природы» розправиме ся зо стереотипами о тым, же землетрясіня не тыкают ся нашого реґіону. Будте з нами на антені і послухайте, як єст з тектоніком з Сандецкым і Низкым Бескідах направду!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.