Обзерач Природы #35 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 11. червця/юнія 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Продолжаме з бесідом про Сандеччыну! В днешнім одтинку буде вельо інтересуючых інформаций о сандецкых ріках та мінеральных водах. Послухаме, в якых дорічах находит ся реґіон і котры рікы сут найбільшы. Друга част проґраму буде тыкала ся мінеральных від, якых в Сандецкім Бескіді не бракує – дознаме ся про ґеолоґічну причыну іх возниканя та іх мінеральный склад. Звучыт як «тема ріка»? То конечні слухайте проґраму і переконайте ся самы!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.