Обзерач Природы #50 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 3. грудня/децембра 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

В днешнім одтинку проґраму будеме не лем обзерати природу, але тіж… культуру – докладні культуры автохтонных населінь Пілночы. Призриме ся, якє влияня має отепліня климату на плеканя традиций соспільности, што прожывают на пілночы світа. Підеме до Лапляндиі, жебы посмотріти, як в днешніх часах дают собі раду Саамы, а тіж на далекій Сибір, де дознаме ся, што ся діє з традицийном культуром Ненців. Як важне єст для Вас, жебы культуры автохтонных народів не гынули, то конечні послухайте авдицию.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.