Сердечні просиме слухати природничый проґрам на антені ЛЕМ.фм уж в найблизшу пятницю, 30. жолтня/октобра 2020 р., о год. 13.00. «Обзерач Природы» то пропозиция для любителів природы, лісовых звірят, вандрівок в незнане.
В найблизшу пятницю «Обзерач Природы» буде барже припоминал «обзерача старых традиций». А то з той причыны, же приближат ся такє свято, котрого не даст ся одділити од природы нияк, і вартат о ним повісти дашто більше. Бесіда буде о Дідах – старых славяньскых обрядах за душы померлых. Дознаме ся, яка єст істория і походжыня тых обрядів. Послухаме тіж, як Діды были святкуваны в ріжных славяньскых народах та якы обряды з нима звязаны проходили в нашых Карпатах. Ніч Дідів уж неодолга, будте готовы і слухайте проґраму, жебы ся прирыхтувати ліпше!
Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.
Коментарі