Окуляры з Варгольовыма творами

Днешні артисты часто обертают ся за клясичныма роботами іх попередників. Енді Варголя не без причыны менуют корольом поп-арту – од років є він творцьом, з котрого найвеце берут модерны артисты.

В надрукуваній ци інтернетовій пресі што якысий час находиме інформациі, што деякє мастерскє Варгольове діло было схоснуване як інспірация для сучасных проб творіня новых пути артизму. Так прим. стрічаме ся з його «призабытыма» серіґрафіками, якы по роках вынаходят в своіх колекциях інчы знаны того світа, a якы пізнійше ходят за великы сумы на медженародных авкциях. 

Тым разом бренд Ретросуперфутур во спілпрацы з Фондом Енді Варголя сотворил окуляры з надруками творів короля поп-арту. В тым проєкті схоснувано як раз ґрафікы очів, якы задумал Варголь. Роботы были вытягнены з архівів Фонду. 

Што інтересуюче, ґрафікы видно лем од зовнішньой страны окулярів – кєд ся іх наложыт, не вадят они видіти. Окуляры сут доступны в двох версиях: рожевого золота та срібній. На рамках найдеме підпис мастера Варголя. 

фот. www.label-magazine.com