Остатня пятниця – «Говорить Пряшiв» – пятниця, 20.00 год.

Наголовок заявкы може хыбыти. Лем сой не думайте, же дашто ся кінчыт, же спырсло.  Мы лем про послідню пятницю в липци/юлию. Ідеме фурт допереду – о тыжден стрітиме ся уж в слідуючым місяци.

Каждого тішыт тото, што нам тепло, добрі, весело. Вкінци літо, то чом мало бы нас тото занимати? Одповід радше буде така, што тот теплий час то добра хвиля на фестівалі, фестівальчыкы, таборы, забавы… Пак приде осін і діяльніст лемківскых орґанізаций, активістів на тым – на дальший, округлий рік – скінчыт. Но як все і ту сут выняткы. Лем не будеме споминати хто і што, бо і по што.

Яр, літо, осін, зима. В кажду з тых части рока граме, бесідуєме, співаме (но може не до кінце мы як редакция) лем про Вас. Днеска заграют і оповідят камаратя з Пряшівщыны. Принесут нам слово про Луку Демяна, аматорского писменника з Підкарпатской Руси. Буде і оповіданя Мариі Мальцовской «Тайомна Улька ч. 3».