Перше Різдво – «Говорить Пряшів» – пятниця, 18.10

Колиси вшыткы нашы братя Русины святкували о єдній порі. Тепер маме такых, што Різдво Христове святкуют уж днес, а надале маме і такых, што іщы ждут. В тій другій ґрупі сме мы – Лемкы, якых кєд ся звідате, то фурт «рускы» свята празднуют.

Все коли приходит час різдвяных свят вертат тема календаря. Сут такы, што ім ліпше святкувати «по новому», бо товды урядове вільне достают в роботі. Сут зас і такы, што в празднуваню Рождества за старым стильом видят можніст продолжати традициі і тримати окреміст свойой достоменности. Єм цікавый, якій ваш погляд на тото? Пиште, коментуйте. Мы в радию ся ґу тому однесеме. Любиме навязувати бесіды. Любиме вести цікавы дискусиі, жебы лем были про інчых цікавы. Часом сме контроверсийны, часом напілперек інчым, але все лем стоіме за правду.

Зазвучало чудні, покус поважні. Але мы наштоден люзакы. Днес просиме на премєровый, різдвяный «Говорить Пряшів». Сядте при яличці і послухайте, што Пряшівщане, якы нас барз люблят, мают нам до повіджыня.

Христос Раждаєт ся! – по першый раз.