Петиция о вызнаня Русинів в американьскым Конґресі
В пятницю, 14. листопада 2014 р, представникы Карпаторусиньского Консорциюм Пілнічной Америкы (ККПА), Джон Ріґетті, Джім Кепчар-Камінскі та Елейн Русинко, выбрали ся до вашынґтоньского Капітолю, жебы представити петицию о вызнаня Русинів на Украіні членам Украіньского Конгресового Комітету Америкы і поінформувати іх о ситуациі тамтышніх Русинів. Будучы в Сенаті ЗША, зазріли тіж до бюра сенатора Джона Маккейна, котрий за послідніх 9 років был реґулярні інформуваний о ситуациі на Украіні.
В звязку зо скандалічныма статями, якы явили ся на сайтах украіньской редакциі Радия Свобода (писали сме о тым в статях Д. Трохановского і П. Медвідя), представникы ККПА провели тіж стрічу з членами Радия Свобідна Европа/Радия Свобода, звідуючы о іх становиско в справі реченой петициі. Радийо Свобідна Европа/Радийо Свобода фінансуване єст американьскым Конґресом і за задачу мат передавати поневоленым соспільствам ретельны інформациі. Як видно, не все ім тото выходит.
(фото з сайту change.org, на котрым заміщена єст петиция)
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
