Петро Кузмяк – выдатний русиньскій педаґоґ

Днес проходит річниця смерти Петра Кузмяка – педаґоґа, поеты, культурного діяча серед Русинів Пряшівщыны та Войводіны.

Вродил ся Петро Кузмяк в 1816 році в селі Страняны, колишнього Угорского королівства, вмер 13. січня 1900 рока в Рускым Керестурі, тепер обшыр Сербіі.
По науках в школі в Подолинци та Дебречыні, вступил П. Кузмяк в 1836 році до греко-католицкого монастыря в Мукачеві. Одночасно здобывал педаґоґічну освіту в Ужгороді. Церковного співу вывчыл ся під кєрівництвом Константина Матезоньского. Здобывшы кваліфікацию учытеля та нотаря, П. Кузмяк лишыл Мукачево і перенюс ся на Пряшівску Русь, де од 1838 до 1854 рока робил учытельом основной школы в русиньскых селах Шамброн і Якубяны. Полнил тіж обовязкы дяка і нотаря. Од 1855 рока през наступных праві 40 років робил в школі в Рускым Керестурі в Войводіні. Заохочувал своіх учеників м.ін. до записуваня народной музыкы і пісен од місцевых Русинів. За педаґоґічны і освітовы заслугы названо його меном ґімназию в Рускым Керестурі основану по ІІ Світовій Войні. Більше о тій школі до почытаня за тым мотузком.

(фот. rusinistyka.com)