«Початкы Лемковины – міты а дійова реальніст» / доповід проф. М. Парчевского – віторок, 10.00 год.

Просиме слухати запис доповіди проф. др. габ. Михала Перчевского пн. «Початкы Лемковины – міты а дійова реальніст». Емісия одбуде ся в віторок 7. лютого/фебруара тр., початок 10.00 год., повторіня в середу 8. лютого/фебруара о 3.00 год.

Прелекция выголошена была 20. грудня/децембра 2022 р. в Музею Бічской Землі в рамках Бічскых Науковых Стріч.

Проф. М. Парчевскій єст польскым археолоґом, што специялизує ся в археолоґіі середвіча, початках славяньской культуры в Польщы та во вчасносередвічным осадництві в Карптах.

Ціла доповід проф. Парчевского односит ся до представленой ниже темы (фраґмент сляйду з выголошеной презентациі):
«Етноґенетичны міты карпатскых Русинів то:
– предкы мешкали в тых горах од приходу Славян,
– од все были частю східнього крыла Славянщыны,
– предкы походят од тзв. Білых Хорватів,
– іх землі были в ІХ ст. опануваны Великом Моравійом, товды приняли хрещыня».

Фот. Музей Бічской Землі