Посвячыня пропамятного креста в Ставишы

В четвер, 16. липця. т.р. лемківскым селі Ставиша, одбуде ся посвячыня пропамятного креста, котрий буде одкрытий разом з фіґурком. Памятник стане на приватній ділянці родины Меренів, понеже власти не згодили ся поставити го на парафіяльным цмонтері.

Торжества звязаны з посвячыньом і одкрытьом памятника – пропамятного креста, зачнут ся од 12.00 год. Хыжа родины Меренів находит ся на початку села, кєд іхате з Ганчовы, а кєд іхате зо Снітниці, то буде конец села, на самій горі.

Памятник буде освячений православным монахом з Высовы як і грекокатолицкым парохом з Крениці. Є він поставлений як памят о тых, котры жыли в Ставишы перед 1947 роком. Крестне знамя має припоминати теперішнім жытелям села о людях, котры од вік-віків мешкали на ставишскій земли.

Веце інформаций під номером: (0) 18-351-68-72

На знимці горі пропамятний крест в Ізбах, котрий был посвячений в 2012 році.