Потупайка в Кракові #2

Хоц місяц червец/юній то істо тяжкій період для студентів (сесия, еґзаміны, труд поправок…), не зохабляют они нагоды на тото, жебы іщы бодай послідній раз в тым академіцкым році 2015/16 побавити ся спільні разом перед поворотом дожых з студенстскых осередків. Найближе Лемковины по пілнічній стороні Карпат являт ся ним Краків. В тым же місті студиює більшіст лемківской молодежы з Лемковины, але не бракує там і Лемків з чужыны. Вартат спомянути при нагоді, же в Кракові фунґує на Педаґоґічным Університеті русиньско-лемківска філолоґія.

Краківскы студенты орґанізуют 11. черця/юнія т.р. танцувальну потупайку, котра одбуде ся в клюбі Арка од 20.00 год. То уж друга того рода стріча. Перша проходила влони і зышло ся на ній близко 100 осіб. І тым разом для студентів заграт Бурян, а пак, кєд силы дозволят, певно і самы пруситны будут співати. 🙂

Наконец – просьба од орґанізаторів: кєд лем дахто грат на дакым інструменті, най сміло го зо собом возме.

Інформация поміщена на просьбу орґанізаторів.