В Братіславі ся завтра, 25-го авґуста 2015 р., одбуде панелова діскузія на тему Позіція меншыновых языків на Словакії, яка є орґанізована в рамах проєкту Словацькый язык в контексті вецеязычных общін на Словакії.
Діскузію буде вести Луція Сатінска із Языконаучного інштітуту Людовіта Штура Словацькой академії наук в Братіславі. В рамках діскузії будуть опдрезентованы штири лекції. Выступати будуть Петтері Лаійонен із Фінландії, Мілан Самко із Інштітуту ромолоґічных штудій Універзітіы Конштантіна Філозофа в Нітрі, Ґейза Токар із Округлого стола Мадярів на Словакії, но і своє заступліня буде мати і русиньскый язык. З лекційов на події выступить Станіслав Конєчні із Інштітуту русиньского языка і културы Пряшівской універзіты в Пряшові.
Подія зачінать о 17.00 год. в центрі Kontakt на уліці Ventúrska 12 в Братіславі. Діскузія домашніх выступаючіх буде в словацькім языку, лекція загранічного гостя буде в анґліцькім языку.
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Коментарі