Пренос Божеской Літургіі з церкви Рождества Пресвятой Богородиці в Ґожові – неділя, 15.00 год.

Просиме слухати пренос Божеской Літургіі з церкви Рождества Пресвятой Богородиці в Ґожові Великопольскым, в любушскым воєвідстві.

Православна церков Рождества Пресвятой Богородиці в Ґожові приналежыт до щеціньского деканату вроцлавско-щеціньской єпархіі Польской Автокефальной Православной Церкви.

Першы літургіі для вірных в Ґожові были одслужены на Великден 1963 р. і товды была зряджена православна парохія. Церков вознесли в роках 1989-1995 завдякы жервенности в векшыні лемківскых родин – переселеных в акциі «Вісла» на західні польскы землі з села Королева Руска при Новым Санчы та іх потомных.

Храм высвятили 21. версня/септембра 1995 р. митрополитом Васильом за участи владыкы Єреміі, предстоятеля вроцлавско-щеціньской архієпархіі, владыкы Адама, предстоятеля перемышльско-новоцанчівской єпархіі і владыкы Авеля, предстоятеля люблиньско-холмской єпархіі.