Про «Маґурича» в Рыманові Здрою

Заран (середа), 4. листопада/новембра т.р., в Рыманові Здрою од 19.00 год. одбуде ся презентация діяльности Стоваришыня «Маґурич», котре діє на хосен ратуваня сакрального дідицтва м.ін. Лемків. Презентация пройде в виді двох доповіди:

Діяльніст «Маґурича» на грекокатолицкых, католицкых, православных, євангелицкых і жыдівскых цмонтерях в Польщы, в Украіні, в Босні і Герцеґовині та Ґрузиі – Шымон Моджеєвскі.
«Чытаня» цмонтерів – контексты – др Ольга Соляр.

Остатнім часом Стоваришыня «Маґурич» перебывало на таборі в Ґрузиі, де члены і охотникы ремонтували польскій цмонтір в Тібілісі. Скорше, на тогорічных вакациях «Маґурич» провюл табір попри церкви в Панкній, де привернул на властивы місця забытковы памятникы. Тогорічны вакациі то тіж роботы в Грабі. Більше про діяльніст Стоваришыня «Маґурич» чытайте за тым мотузком.