Выдавництво РутенікАрт з сідибом в Коросні просит на промоцию новой книжкы Ванівка, значыт Ванівка написана раз іщы, котра одбуде ся 8. грудня/децембра о 18.00 год. в Коросні в Кафе Антоньо (ул. Сєнкєвича 2).
Стріча розпочне цикль стріч під назвом Околиці РутенікАрт, вчас котрых буде мож познати ближе минуле і дознати ся, як тото прошле лучыт ся з теперішністю.
Не першій стрічы орґанізаторы просят на вандрівку до передвоєнной Ванівкы, яка запрезентувана остане в оповіданях запрошеных гости і архівальных знимках.
Ванівка то село, якє причыслят ся до сел Коросняньской Руси – ґрупы русиньскых сел в околицях Коросна в одділіню од Лемковины. Ванівка сусідує з такыма селами як Чорнорікы, Красна, Бонарівка ци Ріпник. Село знане было уж од початку ХV ст., а од ХVІ удокументуваным было выбераня ропы з єй обшыри, яку хоснувано до освітляня міста Коросно. На велику скалю зачато выберати ропу од 1888 рока. Стара копальня, розбудувана по войні, єст єдном з найбільшый і найбарже выдайных на Підкарпатю. В селі заховала ся тіж грекокатолицка церков з 1898 рока, до якой ходило до войны понад 1300 вірных.
Коментарі