Просто з Пряшова русиньскій голос – «Говорить Пряшів» – пятниця, 20.00 год.

Красні витаме на «Говорить Пряшів» запрашаме. Кус вершом, а кус ніт. Тыжден минул скоро. За скоро. Помаленькы конец з вакациями, а на тото певно нещастливы сут школяре. Але за тым іде такой конец теплого літа, а помалы на нашых селах вечерами чути студену осін… В горах все выштко перше ся кінчыт, а лем пізнійше пристає. І хоц нашы дідове повертали з выгнаня, та дале сут такы, што ім ліпше на заході. Не думайте, же то правда. Добрі зробили тоты, што вернули. Сут в себе. 

Кус ностальґічні, кус патріотычні, а кус просто нарікаме – так чысто «по лемківскы». На тым конец. Не будеме нарікати. Маме своє радийо, граме ден в ден і то істо по руснацкы. Добрі тіж, што маме камаратів на Пряшівскій Руси. Русин.фм каждий тыжден підсылат нам премєровий проґрам просто з центра русиньской культуры. 

В днешнім говоріню з Пряшова лем поучытельны справы. М.ін. почуєме вершы Данєлі Капральовий в Книжници радия Русин.фм. 

А што заран? Заран видиме ся в Бардийові. Ждеме Вас. Не лем редакторы ЛЕМ.фм, але і редакторы другых русиньскых медий! 

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.