Представляме Вам коляды і вінчуванкы під назвом «Радуйте ся всі людиє».
Співаме і вінчуєме іх так, як сме ся навчыли од нашых предків Русинів, котры пришли в половині ХІХ ст. з околиц Бардийова і Ґорлиц до Срему, на Фрушку Гору, де основали село Бікіч Дол. Коляды принесены зо Старого Краю співаме і до днеска. Они нам ясно вказуют, одкаль сме і де нам коріня.
Віриме, же цедечко потішыт вшыткых нашых краянів і родину розсіяну по цілым світі.
Платню реалізувало Культурно-освітове Дружство «Іван Котляревскій». Предсідатель дружства: Деян Бобаль, артистичный руководитель – Драґана Ґлувня-Бабич, музика – Боян Бабич, о. Владимир Еделіньскій-Миколка – парох в Беркасові і Бікіч Долі, і діячка Любиця Роман.
Коляды співают: Драґана Ґлувня-Бабич, Невенка Бобаль, Олена Гнатко, Драґіца Романяк, Желька Лазор, Олґіца Лукач, Верунка Надь і Ґєнка Сорочко. Віншували: Любиця Роман, Митар Боцко, Марина Шолтыс, Зденко Лазор і Деян Бобаль.
Церков Успенія Богородиці в Бікіч Долі
Радийо ЛЕМ.фм барз красні дякує Невенці Бобаль за ноно цедечко.
Коментарі