Райд слідами проф. Романа Райнфуса – на нартах

В неділю, 14. лютого/фебруара т.р., Музей Дворы Карвациянів і Ґладышів в Ґорлицях – одділ Скансен Погіряньского Села ім. проф. Романа Райнфуса в Шымбарку, орґанізує V Етноґрафічний нартовий райд слідами проф. Р. Рейнфуса. Патронат над том подійом обнял польскій режысер Анджей Вайда.

Цілю райду є приближыня особы Романа Райнуса, м. ін. як дослідника меджевоєнной Лемковины, познаваня забыткых деревяной архітектуры (в більшости лемківскых церкви) та актывізация зимовых спортів. Орґанізаторы заплянували три ріжны трасы райду. Перша (найдолша) має 18 км і зачынат ся в Вапенным, пак іде через Фeрдель, Корнуты, Маґуру Вонтковску до Вапенного. Друга, коротша о 7 км траса, зачынат ся і кінчыт в Бортным. Третя (8 км) – веде через Ґорлиці – Ропицю Польску – Шымбарк. Около 14.00-15.00 год. всітри ґрупы стрічают ся в скансені в Шымбарку, де для участників буде ждал полуденок і звиджаня музею. По тым, заплянувана єст доповід Кристины Райнфус-Януш на тему Спільны тереновы досліджыня Романа Райнфуса і Анджея Вайды та вернісаж выставы рисунків польского режысера.

Записы на райд тырвают до 12. лютого/фебурара т.р. Орґанізаторы заявляют, же кєд не буде снігу, участникы перейдут трасу піше. Реґулямін і більше інформаций – за мотузком.

А гев можете видіти Анджея Вайду, котрий просит на речену подію.