Раз, два, три – «Шановний Едвіне» – понедільок, 20.00 год.

По перше…

На зачатку того писма хочу Тя сердечні поздоровити. Одколи сме ся остатньо виділи, дуже ся змінило. Як мож вычытати, в Тебе тіж уж не так, як перше…

8 марця 2017 р. в польскым тыжденнику «Політика» поміщений был допис Едвіна Бендика п.н. «Чом уряд не хоче чествувати річниці Акциі Вісла. То підліст». Довєдна з ним поміщений єст апель членів т.зв. «Почестного Комітету Соспільных Святкувань 70 % річниці Акциі Вісла» сопоставленого з украіньскых і польскых членів, якы підпоруют украіньскы торжества. Інспіруваний тым текстом рішыл єм выслати писмо до старого камарата – Едвіна Бендика, шефа наукового одділіня редакциі «Політикы».