Реконструкция боів в Нижній Полянці

В найблизшу суботу, 30. вересня/септембра, в приграничным русиньскым селі Нижня Полянка одбуде ся історична реконструкция боів з часів Великой Войны, якы в тым реґіоні проходили на переломі 1914/1915 років.

В проґрамі подіі, якій орґанізаторы зрыхтували в трьох языковых версиях (в словацкій, польскій, мадярскій), чытаме, што пройдут выступліня войсковой дутой оркєстры, концерт мужского хору, реконструкция войсковой муштры з часів І світовой войны, презентация омундуруваня і зброі з епохы, змаганя в варіню войсковых страв та доповіди істориків, знавців і любителів боів з карпатского реґіону. Історична реконструкция боів, головний пункт цілой подіі, пройде медже годином 14.00 а 15.30. 

Нижня Полянка як село з териториі Пряшівской Руси сусідує безпосередньо з лемківском Ожынном. Оба села лучыт пригранична пут. 

Подія в Нижній Полянці є фінансувана Европейском Унійом з середків Европейского Фонду Реґіонального Розвитку в рамках Проґраму Меджеграничной Спілпрацы Польща-Словация 2014-2020.