Реляция з ХІІІ. Світового Конґресу Русинів, пятниця, 20.00 год.

В днях 18.-21.06.2015 р., в Деві (Румунія), проходит ХІІІ Світовий Конґрес Русинів, разом з VII Світовым Форум Русиньской Молодежы. Реляция з першого дня той символічной подіі в радию лем.фм буде проходила днес од 20.00 год. (19.06.2015).

На Конґресі присутных є аж 5. редакторів лем.фм, якы одночасно выступуют як делеґаты ріжных русинскых орґанізаций. Окрем шефредактора лем.фм Демка Трохановского, якій є тіж делеґатом Стоваришыня Лемків, присутны сут тіж:

• Павел Малецкій, як делеґат Стоваришыня Лемків і гіст Конґресу як Ведучый Стоваришыня Руска Бурса,
• Богдан Ґамбаль, як делеґат Словацкой Асоцияциі Русинскых Орґанізаций,
• Петро Медвідь, як делеґат Словацкой Асоцияциі Русинскых Орґанізаций,
• Наталія Малецка, як делеґат Стоваришыня Лемків на Форум Русинской Молодежы.

Делеґациі Стоваришыня Лемків проводит Андрий Копча, а делеґатами сут члены Стоваришыня Лемків: Олена Дуць-Файфер, Петро Трохановскій, Євгеній Габура, Євгеній Бочнєвич, Штефан Косовскій і Андрий Трохановскій.

Днес почуєте:
– офіцийне отворіня Конґресу,
– вручыня нагороды ім. Василя Турока-Гетеша,
– справозданя з діялности, членів Світового Конґресу Русинів.