Ретрансмісия екуменічного концерту коляд во Вроцлаві – неділя, 20.00 год

14. січня/януара 2018 р., на Новий Рік за юлияньскым календарьом, во Вроцлаві проходила XVI Екуменічна Новорічна Стріча, котру орґанізувало Православне Стоваришыня ім. Свв. Апостолів Петра і Павла.

Проґрам стрічы обнимал концерт хорів, але перше выступили запрошены гості. Голос мали м.ін. православний архієпископ вроцлавскій і щеціньскій Юрий, а в імени римокатолицкого архієпископа Юзефа Купного, вроцлавского митрополиты, бесідувал єпископ Яцек Кіціньскі. Дальше з желанями выступили єпископ-сеньор вроцлавской єпархіі євангелицко-ауґсбуржского костела – Ришард Боґуш, ректор Вроцлавского Університету – проф. Адам Єзєрскі, та Адам Ґрель – заступця президента міста Вроцлавя.

Концертову част вела Мария Завартко. Выступили м.ін. молодіжна акордеонова оркєстра Гармонія, хор Вокс Клеменс – діючий при костелі св. Клеменса Двожака во Вроцлаві, камеральний хор Стіхос – діючий при Православній Кафедрі во Вроцлаві, та Войсковий Хор Стратос. Великы емоциі серед публикы выкликал выступ солисткы Сусанны Ярой, котра заколядувала з акомпаніятором Ігорьом Трохановскым.

Концерт проходил перед тристаособовом публиком в сали Oratorium Marianum Вроцлавского Університету.

Запрашаме выслухати ретрансмісию концерту в неділю 4. лютого/фебруара т.р. о 20.00 год. Ниже презентуєме пару знимок зо стрічы (за: diecezjawroclawsko-szczecinska.pl).