Родинний Табір в Завадці Рыманівскій – додатковы атракциі

Припоминаме, же в днях 5.-12. липця т.р. в Завадці Рыманівскій буде проходил Родинний Табір (писали сме о нiм за тым і гевсым мотузками). Тепер приносиме вам новы вісти, звязаны з подійом.

Орґанізаторы фурт ся старают, жебы можливі найбільше чысло осіб могло схоснувати таборову оферту, зато для вшыткых участників з маленькыма дітми оферуют безплатны передтаборовы варштаты з вязаня хусты. О што іде? Правильні повязану, специяльну хусту мож схоснувати як носило для дітины. В тот спосіб мож дітину мати близко при собі і при тым спобідні вшытко робити. Варштаты поведе Фундация Сто Потіх, партнер Табору. Варштаты будут проходити 22. червця в Варшаві під оком кваліфікуваных інструкторів, більше дрібниц за тым мотузком.

До 19. червця мож іщы вплачати довільну суму грошів, яка сфінансує таборовых вольонтерів і в тот спосіб мож прилучыти ся до орґанізаці табору. Провірте гев, кілько іщы бракує.

В неділю 5. липця, в перший ден табору, орґанізаторы просят на інавґурацийну забаву, до якой пригрывал буде погіряньскій ансамбль Стахы (Реактывация). Вчас забавы для діти в віку 8-12 років будут проходити забавкарскы варштаты, якы буде вюл любитель і знавця той професиі – Тадеуш Кренжель. Окрем того, орґанізаторы фурт додают новы атракциі і занятя, жебы табір был іщы барже інтересуючий. Уж тепер мож зголошати ся до таборовой оркєстры, яка сформує ся вчас табору. Буде мож навчыти ся лемківскых і погіряньскых мелодий. Про більше дрібниц – чытайте гев.

Радийо лем.фм єст медияльным патроном Родинного Табору.