Голосник

Што Настці…? – Гадра

Што Настці по голові ходит? – Гадра

В віторковым проґрамі познате музычне одкрытя Насткы – ансамбль Гадра выводячий ся з лясовяцкой культуры. З Гадром по раз перший стрітили сте ся в нашым радию при нагоді ретрансмісиі з річниці ансамблю Гудацы, де гостинні выступували. Незвычайны звукы неканоничного інструментариюм і пречудовы спілграючы зо собом вокалі творят на сцені приємну атмосферу. Енерґія молодых люди, котрых лучыт музыка і пошана для корени дозвалят захопити ся нима не лем під музычным взглядом. А што мают спільного зо злыма бабами і міцном палюнком і як Моніка Бродка ма ся до Гадры, ци тіж Гадра до Монікы Бродкы дознате ся в нашым проґрамі.

Шеруй.

О авторі

Моніка Тылявска

Абсольвентка росийской філолоґіі з русиньско-лемківскым языком Педаґоґічного Університету в Кракові. Член Стоваришыня Руска Бурса в Ґорлицях. В лемківскым середовиску барже знана як Настка. Любителька Лемків і іх культуры. Єдина Полька в редакцийным ансамбли.

Коментарі