«Слово» – 11-та неділя по Сошествії Святого Духа – неділя, 9.00 год.

Євангеліє о царьови, котрый захотів зробити рахунок зо своїма рабами нам говорить о потребі одпущіня.

В тім рабови, котрый быв довжен десять тісяч талантів, а коли не мав чім сплатити довг, мав быти на наказ царя проданый і з цілов родинов до рабства, є то образ каждого з нас. Тот раб просить о помилованя, просить подати йому іщі далшый час а він то сплатить. Царь знав, же то не може сплатити а одпустив йому цілый довг.

То суть нашы провины ку Господу Богу. Є то велике ображаня Бога а чоловік своїма силами, хоць ся в історії снажив через жертвы, не мог сплатити тот довг. Бог його одпущать цалком, нич не охаблять. Так Бог нам одпущать, коли Його просиме.

Другый довг раба ку рабови суть провины нашых близкыхку нам. Ісус нам днешнім словом давать напомянутя. Кідь хочеме, жебы і нам было одпущена, і мы маме одпущати єдны другым їх провин. Бо євангеліє далше продовжать, же тот раб не хотів так діяти, але того, котрый йому быв довжен запер до вязніці. То є, коли мы не хочеме одпущати а є в нас злопамятность. Тогды дав його закликати а одсудив.

Наконець Ісус давать напомянутя і про нас: Так і звами зробить мій небесный Отець, коли зо сердця каждый вас не одпустить свойому братови його провины. Слава Ісусу Хрісту!

В неділю, 5. септембра 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 5. септембра о 12.00 год. і 6. септембра о 2.00 год. за русиньскым часом.