Голосник

«Слово» – 17-та неділя по Сошетствії Святого Духа – неділя, 9.00 год.

Євангеліє днешньой неділі описує нам стрічу Ісуса з женов поганєского края Тіру і Сідону. Она просить о поміч про свою дівку. Но Ісус єй не одповідать. Она не переставать просити. Самы ученикы уж просять Ісуса, жебы дай єй даяку одповідь. Но він одповідать, же є посланый лем ківцям Ізраільского дому. Но жена приступує а просить Господи помож мі. А тогды Ісус говорить іщі твердшы слова: недобрі взяти хлів од дітей і шмарити псам. Тоты могли цалком доразити тоту жену, но она одповідать: Маш правду, но і псы їдять із одробинок што падають зо стола. А на тото Ісус одповідать: Жено велика є твоя віра, най буде так як хочеш. а дівка была в тім моменті выздравлена. Ту є причіна чом быв Ісус тихо. хотів указати велику той поганьской жены, котра увірила. Спознала в нім выбраного Месію. А народ выбраный Його не прияв. А так тота котру тримали за прокляту стала ся выбранов через свою віру. Тото є напомянутя і про нас. Жебы сме остали вірныма Господу. Не заспали на тім, же сме хрістіяне, але ділами то не потверджуєме. Прото кличме: Господи помілуй нас грішных а посилний нашу віру. Слава Ісусу Хрісту!

В неділю, 16-го жолтня/октобра 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 16-го жолтня/октобра о 12.00, 15.00, 20.00 год. і 17-го жолтня/октобра о 2.00 год. за русиньскым часом.

Фото – Wikipedia.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі