Голосник

«Слово» – 18-та неділя по Сошетствії Святого Духа – неділя, 9.00 год.

Слово днешньой 18-ой неділі нам описує приход Ісуса Хріста ку Ґалілейскому морю. Там посходило множество народа, котрых учіть. Як закінчує учіти, говорить Петрови: спусть на глубину. Він одповідать, же цілу ніч вєдно із другыма ся намагали, але без успіху. Но на твоє слово спущу сіті. А як так зробив, поїмало ся множество рыб. Тото слово і нас учіть, жебы наперек тиску того світа, вірити тому, што Бог говорить. Ай кідь є то проти лоґікы того світа. Петро, як скушеный рыбарь, міг протиречіти Ісусови, ты єсь учітель, але не маш скушеностей з ловом. Він послухав. Веце вірив Божому слово, як своїм скушеностям. І мы, кідь будеме вірити Божому слово, наповньовати го у своїм животі, то є не лем вислухаме тото слово, але приведеме го в діло, не будеме скламаны, ани в тім жывоті. Знаючі, же повниме його волю, маме його благословіня. Але і у вічности. Кідь і нам раз при одході з того жывота повість: Не бійся, одтеперь, уж будеш зо мнов, у вічній блажености, радости, по цілу вічность. Якыма радостныма, солодкыма будуть тодгды про нас тоты слова. Слава Ісусу Хрісту!

В неділю, 23-го жолтня/октобра 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 23-го жолтня/октобра о 12.00, 15.00, 20.00 год. і 24-го жолтня/октобра о 2.00 год. за русиньскым часом.

Фото – Wikipedia.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі