«Слово» – 26-та неділя по Сошествії Святого Духа – неділя, 9.00 год.

Днешнє слово євангелія учіть на быти мудрыма. Ісус розповідать образный приклад о богачови, котрому поле щіро зародило. Він собі говорить: Што я мам робити? Не мам де зложити своє богатство.

Він задумав збуряти сыпанці і поставити векшы. Потім іде у своїй фантазії іщі дале а говорить: Там зложу вшытко своє богатство. А потім повім своїй душі: Маш богатства на много років. Їдж, пий, весель ся. Але Бог му говорить: Нерозумный! Іщі той ночі пожадають од тебе твою душу. Чіє потім буде тото, што єсь набыв?

Ісус закінчує тот образный приклад словами: Так буде з каждым, хто є богатый перед собов, але не пред Богом.

Чом Ісус называть того богача нерозумным? Уж на початку думать лем на земне, не дякує Богу, не роздумує як помочі ближньому. Як ся поділити з потребуючіма. Задумує вшытко затримати лем про себе. Жыє лем про землю. Тото, што належыть тіло, говорить душі – їдж, пий.. А обіцять собі довгый жывот. А не богатне перед Богом.

Тото вшытко в годині смерти ту мусить зохабити. Прото Бог му говорить: Нерозумный! Як быти богатым перед Богом? Выхосновати тот час на творіня добрых діл, подаваня милостыні потребуючім, приготовляти ся на момент смерти. Святы, ай кедь дакотры умерли несподівано з того людьского погляду, но про них смерть не была несподіванков. Каждеый день ся приготовляли. Зберали собі богатство не про себе – то є про землю, котре не можуть взати зо собов, але про небо. Так робме і мы, жебы сьме при одході із того світа не учули слова: Не розумный! Слава Ісусу Хрісту!

ловами, котры адресує і нам: Ідь і роб так само. Слава Ісусу Хрісту!

В неділю, 6. децембра 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 6. децембра о 12.00 год. і 7. децембра о 2.00 год. за русиньскым часом.