Голосник

«Слово» – 8-ма неділя по Сошествії Святого Духа – неділя, 9.00 год.

Як ся Ісус Хрістос дочув, же Ірод дав убити Йоана, насів до лодькы і переплавив ся на пусте місце. Но народ дізнав ся, де він іде а спередив го напішо. Як Іус вышов із лодькы, чекало го множества народа.

Посановав їх, выздравляв їх хворых і учів народ. Так перешов цілый день. Як настав вечур, говорять ученикы: Розпусть народ, місце є пусте і піздна година, най сі ідуть накупити їдла по містах і селах. Но Ісус одповів: Не мусять іти, вы ім дайте їсти. Але ученикы на то: Маме лем пять хлібів і дві рыбы. А Ісус наказав принесьти.

Ученникы проявляють милсердя ку народу ї просять Ісуса, жебы розпустив народ. Но кедь Ісус хоче, жебы принесли тото, што было про них самых., они реаґують: Што то є про тілько народа? Але зробили як Ісус повів. А были свідками великого чуда, насытило ся множество народа, дас пять тісяч мужів, окрем жен і дітей. А наконець Ісус наказав позберати окрайці а было дванадцять повных кошів. Так їм Ісус указав, же він мать владу над цілов природов, лем мусять йому довіряти.

А кедь розмножує хлібы і рыбы, подавать ученинкам, а ученикы народу. Жебы тым указати, же тото чудесне діло робить через людьскы рукы. Тота подія і тоты слова: Дайте їм вы їсти, суть адресованы і нам. Ісус хоче і днесь через нас подавати людям. Кілько людей находить ся в тяжкій сітуації, не мають, што їсти, пити, до чого ся облечі. Кедь подаме руку помочі, Ісус приїмать тото діло, як зроблене йому самому. А дасть нам за то благословліня уж ту на землі а у вічности повість нам: Подьте до мого царьства, бо єм быв голодный, затлітый, хворый, у вязніці а вы сьте мі послужыли. Слава Ісусу Хрісту!

В неділю, 2. авґуста 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 2. авґуста о 12.00 год. і 3. авґуста о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі