Голосник

«Слово» – ІІ. неділя по сошествії Святого Духа – неділя, 9.00 год.

Ісус Хрістос приходить ку Ґалілейскому морю. Там находить братів Петра і Андрія, котрых кличе іти за собов. Обіцять зробити їх рыбарями людей. То є приводити од духовной смерти ку жывоту. Од темноты ку світлу. Они так ідуть за Ним.

Подобно кличе далшых двох: Якова і Йоана, котры вєдно зо своїм отцьом Зеведейом справляли сіті. Они были бідны, не мали на новы. Коли чують голос Хріста, такой ідуть за Хрістом. Хоць не знають, што їх буде чекати на тій дорозі. Предці довіряють тому, котрый їх кличе.

Так днешня неділя указує нам на духовны покликаня. Ісус і днесь кличе до священицького ці монашеского сану. З боку родічів є важно доволити своїм дітям іти за тым голосом, не сперати їм, але молити ся за них, за їх вытырвалость. А зо соторны покликаных, жебы мали смілость зохабити вшытко а іти за Хрістом, як то указуть апостолы. А што апостол потверджує словами: Смоть, мы зохабили вшытко і ішли за тобов.

Но днешнє слово є адресоване ку каждому покрещеному. Ісус каждому говорить слова: Подь за мнов. В каждім віці, в каждім поставліню: ці в родині, ці в роботі. Є то покликаня ку автентічному хрістіаньскому жывоту. Оддзеркадльовати в собі Хріста. Указовати своїм жывотом Хріста тому світу. Слухати і жыти подля Божого слова. А так видиме, же днешнє слово ся обертать ку нам вшыткым: Подь за мнов, каждый день, в каждій сітуації, а я доконам діло в тобі. Як на тото позваня Хріста одповіме мы? Слава Ісусу Хрісту!

В неділю, 21. юна 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 21. юна о 12.00 год. і 22. юна о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Avatar

Коментарі