«Слово» – неділя, 9.00 год.

Господь наш Ісус Хрістос по увязніню Йоана Крестителя приходить ку Ґалалійскому морю, де находить своїх першых учеників. Петра і його брата Андрія і Йакова і його брата Йоана. Они на призваня Хріста: Подьте за мнов!, охабляють вытко а ідуть за ним. Тото покликаня не обмеджує людьскй слободы. Ісус Хрістос решпектує слободу выбору. Він міг выбрати мудрых, ученых людей ці земных царів а через них бы ся наука Євангелія скоро росширила по цілім світі. І стачіло царьского приказу і вшыткы бы ся мусили покороти Хрістови і його науці. Так само і выбраный народ бы його узнав за Спасителя. Но але Хрістос так не поступать. Бо то бы не принесло хосен і спасіня. Як то можеме видіти в історї Церькви. кідь многы вступовали ці ставали ся крестити зо страху перед імпереаторами, але не із властного выбору, зо щірого стремліня наслідовати Хріста. Ісус і нас кличе: Подь за мнов. Не каждого правда за апостола, ці священика, або монаха ці монахыню, але каждый на тім місці, де ся находить, без огляду на поставліня, школованость, ці є бідный ці богатый, слободный ці в манжеклстві, учітель ці роботник, каждый є покликаный быти учеником Хріста. Ку тому є потрібне зробити то, што апостолы – зохабити вшытко, то є, зохабити то старе, свій старый способ жывота, в страстях, гріху а зачати новый подля Євангелія. Ку тому нам помагать і час Петропавловского посту, котрый сьме зачали понедільком по Неділі вшыткых святых, коли по часі радости святой Пятьдесятніці над побідов Хріста над смертьов і гріхом, сьме позваны задумати ся над собов, де ся мы находиме а конфронтовати ся з тым покликом Хріста подь за мнов. Бо лем в тім є правдива слобода уж ту на землі а приведе нас до вічной слободы і щастя в Царьстві небеснім. Амінь

В неділю, 3-го липця/юля 2016 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 3-го липця/юля о 12.00, 15.00, 20.00 год. і 27-го липця/юля о 2.00, 8.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Фото: «Ісус зъявлят ся на берегу Галилейского озера» Джеймс Тіссо. Жрідло Wikipedia.