«Слово» – Неділя мытаря і фарізея – неділя, 9.00 год.

Днешня неділя, котра ся называть Недільов мытаря і фарізея, нас приготовлять на вступ до Великого посту. Говорить о потребі понижености і покоры перед Богом.

Фарізей в пыхі стояв і хвалив ся, што вшытко він робить про Бога. Постить ся, давать десяткы. Мытарь стояв цалком взаду, ани очі ся не осмілив піднимати горі, але просить: Боже, будь милостивый мі грішному. Ісус говорить, же тот одышов оправданый до свого дому.

Він не хвалить мытаря за його жывот, за то, же справды допущав ся кривд і несправодливостей, але поуказує на його покаяня, котре было споєне із покоров. Но тыж Ісус не одсуджує діла того фарізея, він сравды робить то, што говорив, лем то робив не про Бога, але про людьске око а хвалив ся тым і перед Богом.

Так і мы наслідуйме фарізея в його ділах, але не в його пыхі а тыж наслідуйме і мытаря в його покаяню, а не в його ділах. Понижуйме ся перед Богом, жебы нас підвышыв. Бо хто ся понижує буде підвышеный, а хто ся повышує, буде підниженый. Слава Ісусу Хрісту!

В неділю, 21. фебруара 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 21. фебруара о 12.00 год. і 22. фебруара о 2.00 год. за русиньскым часом.