Голосник

«Слово» – Неділя самаріянкы – неділя, 9.00 год.

Днешня неділя называть ся Недільов самаріянкы. Ісус стрічать при Якововій студні самаріяньску жену, од котрой просить воду. Коли ся тому чудує, же Він жыд просить од жены самаріянкы, Ісус їй говорить: Як бы ты познала дар Божый, кебы-сь знала, хто із тобов бісідує, ты бы просила і дав бы ті жыву воду.

Она просить такой воды, жебы уж не была затліта і не мусила приходити ку тій студні. Тогды Ісус їй говорить, най закличе свойого мужа і прийде. Но они думаючі, же є перед чоловіком, гововорить: Не мам мужа. Ісус їй на то: Правду говориш, бо єсь мала пять а тот теперь не є твоїм мужом. Она зачінать бісідовати о духовнім, де ся треба кланяти Богу а приході Месії. Ісус їй гоіворить: Я єм, котрый із тобов бісідує.

В днешнім Євангелію можеме видіти Божу педаґоґіку, як Бог глядать причіну ку діалоґу, жебы помаленькы вести тоту жену од земного розуміня ку духовному і подати їй воду, котра може загасити паліня в їй душі, котре у ній было через роскоїы і нестриманость.

Кедь ся напила той воды, воды одпущіня, покоя, познаня Бога, сама ставать ся істочником жывой воды про другых.

Так нас днешнє слово учіть, же кедь чоловік глядать іншы студні, де хоче загасати паліня страстей – ці то є студня роскоши, ці студна нестриманости желаудка, ці студня пыхы, ці студня жадобы матеріалных предметів або пінязі. Тоты лем іщі веце высушує душу.

Приступуйме прото ку єдиному істочнику, котрый може загасити паліня, страстей, гріха, котрым є воскресшый Хрістос! Хрістос воскрес!

В неділю, 17. мая 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 17. мая о 12.00 год. і 18. мая о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Avatar

Коментарі