«Слово» – Неділя сыропустна – неділя, 9.00 год.

Четверта неділя, котра нас приготовлять на вступ до великого посту называть ся Недільов сыропустнов або тыж і Недільов одпущіня. Ісус Хрістос нам в днешнім слові подавать дкілько порад, жебы добрі пережыти добу святого посту.

На перше місце ставить потребу одпущіня, де давать і условіє, кедь одпустите людям, тогды і вам одпустить Ваш Отець небесный. Но і напомянутя, кедь вы не одпустите, ани вам не буде одпущено.

Далше говорить о пості, як постити! Не як фалшывці, котры ходять захмурены, жебы і вонкашнім выглядом притяговали на себе уважность. Жебы каждый о них говорив: Смотьте, як они постят»! Ісус выразно напоминать: Хто буде так поступати і їх наподобовати в пості, уж мать свою одміну на тім світі. Значіть, же тота похвала од людей, так само смертных їм буде одмінов за їх намаганя і мозоліня в постнім подвигу. Але Ісус нам говорить, кедь постиш, не выставляй то на показ. Твій Отець то знать, помаж голову і омый свою тварь, треба постити вонкашнім постом, стриманостьов од їдла, але і внутрішнім, стриманостьов нашых смыслів, очей, уст, ух і нашых рук і ног.

Стриманостьов од страстей, од гріха од привязаности ку тому земному. Не зберати собі богатства на небі, але на землі. Мати своє сердце в Богу. Так нам тоты порады указують як одорвати ся од землі і піднимати ся ку небу, ку Богу, ку вічности. Прото приймийме тоты порады од нашого Господа, жебы з Його помочов сьме добрі выхосновали тот благодатный час. Слава Ісусу Хрісту!

В неділю, 14. марца 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 14. марца о 12.00 год. і 15. марца о 2.00 год. за русиньскым часом.