«Слово» – Праздник Рождества Ісуса Хріста – неділя, 9.00 год

Пережыаме радостный праздник Рождества Господа нашого Ісуса Хріста. Посолство, котре нам голосить тот праздник о Божій любви, котрый став ся чоловіком, можеме пережывати і в тых тяжкых часах.

Бог приходить не до богатого Рима, але ани царьского палаца в Єрусалимі. Приходить на світ в бідній яскыні, де позывать бідных пастырів а з Выходу трьох мудерців. Они приходять наперед до Єрусалима. Там ся дізнавають, же Хрістос ся мать народити у Віфлеємі. Ідуть там, а находять дітинку і єй матір. Но уж не суть проваджены звіздов, але у своїм сердці несуть собі Спасителя світа. По іншій дорозі ся вертають дос войой країны. Приходять у великій славі а одходять як злодії в скрытости. Но ани тото не заколысало їх віров.

Ісус їх позвав ку новому жывоту. І нас позывать тото праздник іти по новій дорозі. Дорозі слуханя Божого слова, дорозі выповняня Божых заповідей, дорозі жывота в любви ку Хрістови. Хрістос раждається!