«Слово» – Томина Неділя – неділя, 9.00 год.
Ісус Хрістос появлять ся своїм ученикам, кідь были замкнуты зо страху перед Жыдами, наповнює їх покойом, кідь в їх сердцях быв страх, непокій. Указав їм рукы, ногы і пробите ребро. Указує тым і то, же свої раны собі сохранить і у небесній славі у прославленім тілі, як знак свойой великой любви ку чоловіку. Ученикы ся зрадовали видячі Господа. Ісус на дыхнув: Приймийте Святого Духа. Ісус їм давать Дых нового жывота. Но Тома не быв там. Ученикы звістують тоту радостну новину. Но він не хоче увірити, покля не увидить. Ісус приходить і о вісем днів, кідь є там і Тома. Ісус го вызывать: Дай свій палець, дай свою руку. Тома увірив. Но Ісус на то: Єсь увірив, бо єсь ня видів, но блажены, што не виділи і увірили. Ісус допущать і тото невірьство Томы на підкріпліня нашой віры. Жебы так утвердила ся наша віра у воскресіня Хрістове, і в Його божество. Же Він є єдиный Спаситель, Єдиный Месія, котрый мав прийти на світ, жебы чоловіку отворив путь ку небу. Тото одбыло ся. А тоту віру і мы прповідайме тому світу тыма радостныма словами, котры най і через молитвы апостола Томы выходять нелем з нашых уст, але із нашого сердця: Хрістос воскрес!
В Великден, 23. апріля/квітня 2017 р., о 9.00 год. проґрам «Слово», котрый реалізує єромонах Маркіян ЧСВВ. Повторіня 23. апріля/квітня о 12.00, 15.00, 20.00 год. і 24. апріля/квітня о 2.00 год. за русиньскым часом.
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Фото: Томино невірьство. Жрідло: Wikipedia
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
