Спектакль „Лемко” на Ґожівскых Театральныx Стрічах
Од 9. до 15. листопада будут проходити ХХХІ Ґожівскы Театральны Стрічы, на котрым выступлят театры з Ліґниці, Зеленой Горы, Кракова і Варшавы.
Перший ден принесе любителям театру тему з лемківской обшыри. Спектакль Лемко, граний акторами ліґницкого Театру ім. Г. Моджеєвской, то істория Ореста, якій жде своіх остатніх хвиль, але перед смертю хоче оповісти дітям дашто о своім жытю. О веселых, але і смутных подіях. То не лем орестова істория, але і образ выселіня Лемків в рамках Акциі „Вісла”.
Премєра пєсы Лемко (реж. Яцек Ґломб) одбыла ся в 2007 р. і успішні гостила на сценах Польщы і заграниці (о выступах в Турциі в маю/червци 2014 р. прочытате за тым мотузком).
Дальшы дни, то спектаклі найвысшой клясы польскых театрів: варшавскых Сирена, Полонія і Атенеум, зеленогірского Любуского Театру ім. Л. Кручковского і краківского Сцена СТУ, з найліпшыма польскыма театральныма акторами.
Полний проґрам ХХХІ Ґожівскыx Театральныx Стріч найдете на сайті www.gorzow.pl.
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
