“Суд над святым Максимом” – книжка про св. Максима Ґорлицкого

Як інформує порталь www.cerkiew.pl, 19. марця т.р. в Центрі Православной Культуры в Білымстоку одбыла ся презентация книжкы “Суд над святым Максимом”. 

Была она выдана накладом Православного Осередка Культуры Православной “Ельпіс” в Ґорлицях. Автором єст Михал Болтрик, котрий є журналістом і редактором Православного Перегляду.

Книжка написана єст в польскым языку і в велькій мірі тыкат ся лемківского світа, обставин, в котрых пришло жыти і принести мученичу смерт священномученикови Максимови Ґорлицкому. В середині найдеме цикль репортажів, написаных Михалом Болтриком в роках 2004-2006, котры остали зобраны, а пак печатаны в тым выданю.

За тым мотузком можете шырше прочытати про зміст і придбати книжку в інтернетовым склепі.

Отец Максим Сандович был розстріляний австрийскым ротмістром перед ґорлицкым судом в 1914 р. В 80. річницю смерти канонізуваний Польском Автокефальном Православном Церквю як “Мученик за Віру”, але Лемкы зачали вішати в хыжах знимкы о. Максима посеред ікон такой одраз по його смерти, што вказує на розвиток його культу на долго до канонізациі.