Світова рада Русинів о конґресі в Румунії

Криниця, Польща

Під час Міджінародного бєнале лемківской – русиньской културы в Криниці проходила в пятніцю 10. октобра 2014 р. сема стріча Світовой рады Русинів і Комісії Світового конґресу Русинів про освіту.

За участи свого председы, Дюры Папуґы, Світова рада Русинів обговорила рыхтованя наступного Світового конресу Русинів, котрый одбуде ся у 2015 році в Румунії. Бісідовало ся таксамо о сітуації на Підкарпатю (Україна). Дюра Папуґа повідомів, же Світовов радов Русинів буде загнана далша рекомендація державным орґанам Україны і Европскому парламенту в справі вызнаня Русинів на Україні.

На засіданю Комісії про освіту Світового конґресу Русинів была представлена нова председничка комісії Сенка Мученскі із Коцура. На комісії была обговорена робота на приготовліню словника русиньского языка про основны школы. Комісія вырішала приготовити і методолоґію про навчаня русиньского языка як языка меншынового, інформовав РутенпресС.

Фото: РутенпресС